To catch a thief!

Niay text akong nadawat, bahin kini sa tinguha pagsanta sa karupsiyon. Klaro kaayong komedya ug walay kamatuoran, apan tungod kay makalingaw, ako ning ipaambit ninyo, lagmit nakadawat sad mo niining maong text message.

A machine was invented to catch thieves, and was tested.

U.K.: It caught 50 thieves in 30 minutes.

Spain: It caught 110 thieves in 30 minutes.

Philippines: In 15 minutes, the machine was stolen.

Kinsa sad kahay nag-imbento ining istoryaha no? Whatever!

Anyway, niay laing mga text messages atong nadawat, gikan na usab kini ni kanhi Customs Collector Kuya Boy Odilao. Kini, sa iyang ka-busy nga siya man karon ang sinaligan ni Party-list Representative Jun Alcover sa ANAD:

“The real art of conversation isn’t only to say the right thing at the right time, but also to leave unsaid the wrong thing at the most tempting moment.” Tinuod, di ba? Usahay god ang tawo dali ra kaayong matintal, magbuwabuwa ang baba pagsinulti sa walay paghunahuna kun wala bay masakitan ug masilo nga kabubut-on.

“The greatest challenge in our lives is to find friends who know our faults and weaknesses but are still willing to embrace us with much live.” Lisud ni. Kay morag natural sa tawo nga likayan ka sa imong mga higala inigkasayod nila sa imong mga apan ug kasaypanan. Mao man gani hinungdan nga ang uban nato, gamay ra, o wala gayoy tinuod nga mga higala tungod kay molikay gyud sila sa mga tawo nga adunay mga faults and failures. Ug kinsa man nato dinhi ning kalibutana ang walay mga faults and failures?

Nia pa: “Intelligence can bring you to success. But it’s your attitude that keeps you there. Remember educational attainment and grades don’t define a person - attitude does.” Nindot. Mao nga kanang ilang gipasibantog nga MMT kon Mayor’s Management Team, ang mahinungdanon diha dili ang ilang mga tag-as nga grado, kondili ang ilang attitude towards their work. Nga kun iksakto pa ang ilang mga attitude, mahapsay, ma-orderly, ug ma-systematic unta ang pagpang-apod-apod sa P2000 nga assistance gikan sa city hall ngadto sa mga senior citizens ning dakbayan.

Kun gikonsulta pa nila ang mga senior citizen, bisag dili mga summa cum laude, apan, puno sa kasinatian, bidang sayona ra anang trabahoa. Kay kini sila, mga kanhi cashier, kanhi disbursing officer, kanhi payroll maker, kanhi accountant, kanhi finance ug budget officer. Ingonman, mga kanhi regional director. Sa ato pa, dili bag-o, dili first time alang kanila kining pagpang-apod-apod og kwarta. Alang kanila, dili rason nga tungod kay first time, mabulilyaso gyud. Bida sag ngano!