Medisina ug tubig

Ang giilang "water doctor" nga si Dr. Fereydoon Batmanghelidj mipadayag nga ang daghang mga tawo ang nagbaton og sayop nga pagsabot mahitungod sa medisina.

Matud ni Dr. Batmanghelidj, kanunay gikonsiderar sa daghang katawhan nga ang tubig usa ka passive solvent. Tungod niini, mitumaw ang daghang sayop nga pagsabot mahitungod sa kahimsog ug balatian.

Kun maoy tuohan ang pangangkon ni Batmanghelidj, makaingon ta nga walay tambal nga makaalim sa chronic diseases. Aduna lamay medications nga makakontrol sa maong mga sakit.

May sukaranan sab baya ang pangangkon ni Batmanghelidj. Atong himoon nga pananglitan ang mga kaso sa high blood pressure ug diabetes. Sa higayon nga ang usa ka tawo ma-diagnosed sa maong kondisyon, siya ibutang sa medication diin siya mopailawom niini sa tibuok niyang kinabuhi.

Apan ang pagtambal nga gihimo ngadto sa usa ka tawo nga may high blood puressure o ba kaha diabetic wala makaayo sa iyang sakit. Kay ang chronic disease dili man lagi matambalan. Igo lang kining makontrolar aron dili kaayo maapektohan ang pasyente sa kasakit sa balatian.

"Modern medicine does not go into the root cause of a disease in the first place. That is why it has no answer for chronic diseases like asthma, rheumatism, arthritis, diabetes, blood pressure, dyspepsia, colic pain, hernia, etc," matud pa ni A.R. Hari sa librong Water A Miracle Therapy.

Apan si Batmanghelidj nakatambal nag kaliboan ka pasyente nga nagbaton sa nahisgotang mga sakit ... pinaagi lang sa tubig! (Sunod: Ang Dementia)