EDITORYAL - Ang cash aid paras senior citizens

Misaad ang Cebu City Hall nga humnon niini ning buwana ang pag-apod-apod sa cash aid ngadto sa mga senior citizens nga kwalipikado sa pagdawat sa maong financial assistance.

Gikataho nga mga 5,000 pa lang sa 23,000 senior citizens nga angay’ng mopahimulos sa cash aid ang nakadawat sa maong hinabang.

Manghinaut kita nga matuman sa City Hall ang saad niini nga mahuman na gyud ang pagpang-apod-apod sa financial assistance ning buwana.

Ang atong mga senior citizens kinsa kadaghanan kanila nagkinahanglan gayud sa cash aid hagbay rang naghinam-hinam sa pag-angkon sa gihisgutang hinabang nga pinasiugdahan ni Mayor Tomas Osmeña.