Ang Tubig

10. Dehydration

Ang dehydration mao ang kahimtang sa pagkahubas sa tubig sa lawas sa tawo. Usa sa hinungdan niini mao ang kakulang sa supply sa tubig sa lawas ug ang pagkahurot sa tubig sulod sa lawas tungod sa diarrhea o LBM. Makamatay ang dehydration.

Sa iyang libro nga Your Body’s Many Cries For Water, si Dr. Fereydoon Batmanghelidj mipabarog sa iyang argumento nga ang bisan unsang matang sa panambal gamit ang medisina matawag lang nga palliatives.

Matud pa ni Dr. Batmanghelidg, ang medisina wala idesinyo aron pagtambal sa gitawag og degenerative diseases sa human body. Labaw sa tanan, iyang gipabarog ang prinsipyo nga ang hinungdan sa tanang mga sakit mao ang dehydration.

Gipatin-aw sa libro ni Batmanghelidj nga ang lawas nagkinahanglan sa hustong gidaghanon sa tubig matag adlaw alang sa proper functioning niini -- sa tanang mga organo nga anaa sa lawas.

Alang kang Batmanghelidj, ang matang o tipo sa sakit dili importante, ma-hypertension man kini, diabetes, ulcer, high cholesterol, angina pain ug uban pa. Ang mahinungdanon mao nga masayod ang tawo nga ang gamot sa matag sakit mao ang dehydration.

Kun motuo ta nga dehydration ang hinungdan sa matag sakit nga motakboy sa lawas, dali ra natong makita ang sulbad niini. Tubig! Inom og tubig! Hydrate the body properly and you will recover without any medication. (Sunod: Ang Bata)