EDITORYAL - Balaud vs. binastos nga video

Nagkagubot ang nasud tungod ining nasakpan nga Katrina-Hayden sex scandal. Nagsugod sa kuwarto niabot na karon sa Internet, mobile phones, DVD players, ug uban pang mga dapit nga mahimong kapasalidahan og video.

Binastos nga mga buhat ang makita sa maong sex video ug nakahimo og halapad nga eskandalo nga nakapalihok sa mga magbabalaud sa pagpanday og balaud batok sa paghimo ug pagpasalida og mga video nga nahisupak sa moralidd sa katilingban.

Dugay na man diay nga dunay balaudnon batok niining talan-awon sa video nga binastos. Gilingkuran ra kini sa mga miyembro sa Kongreso.

Tungod niining nahitabong Katrina-Hayden sex video scandal, nagsunod-sunod na ron ang mga bag-ong balaudnon nga mopitol sa mga tinguha sa pipila ka mga tawo sa paghimo ning binastos nga talan-awon.

Hinaut unta nga tinud-on na kini sa atong mga magbabalaud.