Lisod molambo

Sa gula sa Banat News niadtong Agosto 24, 2008 akong gihisgotan dinhi sa Modus ang mahitungod sa usa ka brgy. opisyal sa Legaspi, Alegria, Cebu nga gitaho sa usa ka texter nga maoy lider sa sugal nga tong-it sa maong dapit.

Sa pagkapatik sa maong sumbong, nakadawat ko’g laing mga text nga midason sa pasangil sa atong nahaunang texter. Ilang gikompirmar nga duna gyuy brgy. opisyal sa Legaspi, Alegria, Cebu nga sugarol. Dili na gani (kuno) makatuman sa iyang katungdanan ang maong opisyal kay magtuman lang og sugal. Pastilan!

Ang unang text nagkanayon: “Lisod gyud molambo ang brgy. Legaspi, Alegria tungod sa opisyal nga mao ang lider sa tong-it diri. We want the proper authorities to counter check this kind of officials who are involved in some illegal activities. Naa sa balay sa maong opisyal ang magbinuntagay nga sugal.” -- 0909-6203444 

Ang ikaduhang text nag-ingon: “Tinuod na nga ang lider sa tong-it sa Legaspi, Alegria usa ka brgy. official. Saksi ko ini kay kami ang magkontra usahay sa sugal. Magbuntagay. Dili na lang makabista kun naay husayon.” -- 0919-5877582

Morag dili angay pasumban ang gibuhat ning maong brgy. opisyal, da. Dili siya maayong modelo sa iyang barangay!

* * *

“Good PM, Sir. Dunay drug den dapit sa bus terminal sa Toledo City. Sila si Neg ug Ed. Wala gyud sila dakpa. Tapad ra ni sila og balay.” -- 0919-3313193

Mas maayong i-counter check kining maong tip sa kapolisan sa Toledo aron masuta kun unsa kini ka tinuod. Aksiyoni!

* * *

“Bahin ni sa nagnegosyo og suwertres o jai-alai diri sa Casuntingan, Mandaue City. Mao diay nga wala ni aksiyoni sa kapolisan kay ang ilang labaw nakapatong man diay ini. Naa man diay siya’y iya ani maong wala niya badlonga ang financier.” -- 0926-3565817 

Lisod tuohan kining pasangil sa atong texter pero tulibagbag kaayo kun tinuod man. Pastilan!

* * *

(Sumbong ug reklamo? Text sa 0910-8105522).