Rural electrification

Niay maayong balita (ambut maayo ba gyud ni), ang World Bank mi-approve sa 40 milyones ka dolyar nga additional loan alang sa electrification program sa atong nasud, pinaagi sa DBP.

Alang nako, nindot nga balita, kay daghan pa kaayong dapit sa atong nasud, ang wala pa maabti sa elektrisidad. Ug sayod kita sa daghang kaayohan nga mapahimuslan sa katawhan gikan sa electricity. Ato kining masinati kun mag-brown out.

Matud ni Bert Hofman, World Bank Director for the Philippines, “Rural electricity provides more opportunities for countryside entrepreneurship thus expanding economic activities in these areas.” Tinuod.

Gibanabana nga dunay kapin sa 10 mil ka households ang mabulahan ning maong proyekto, gitawag og Rural Power Project, ilabina sa hilit nga mga dapit sa Mindanao. Labing seguro makapausbaw sa quality of life ning maong mga dapit nga sa dugay’ng panahon wala matagad ug wala maabti sa mga social services sa gobiyerno.

Ang unang pahuwam nga 10 mil dolyares, gigahin alang sa mga electric cooperatives sa tibuok nasud, ug laing 9 milyones ka dolyar nga loan gikan sa Global Environmental Facility (GEF) alang sa programa sa Department of Energy nga renewable energy technologies.  

Matud dinhi, ang GEF is a partnership among 178 countries, international institutions, nongovernmental organizations and the private sector to address global environmental issues while supporting national initiatives on sustainable development.

Ug pinaagi sa mga electric cooperatives, kadungagan ang gidaghanon sa mga panimalay sa countryside nga makaangkon sa elektrisidad.

Matud ni Hofman, the additional financing would have a direct impact on poverty in the rural areas. Among others, the rural communities could use electricity to power wells for clean water, which would help prevent water borne diseases.

Unya, dili na maproblema ang irigasyon, aron mapalambo ang produksiyon sa kaumahan, mosayon ang access sa information pinaagi sa radyo’g telebisyon, ang mga estudyante kahatagan nag kasayon sa ilang mga pagtuon, ug kadtong nagkinahanglan og refrigeration nga pagkaon ug mga tambal, ma-preserbar na.

Manghinaut kita nga magmalampuson ang Rural Power Project alang sa kaugmaran sa mga rural areas, aron dili na sila mobiya sa ilang dapit ug mahimong squatter dinhi sa mga urban areas.