Si Dory, si Marlin ug si Nemo

Sa dihang nawala si Nemo wala siya batia’g kabalaka sanglit nagtuo man siya nga pangitaon siya ni Marlin iyang amahan. Tuod man, gihimo gyud ni Marlin pagpangita niya. Nagkahibalag si Marlin ug si Dory, si Dory nagkanayon ngadto kang Marlin: “Sunod kanako!” Misunod si   Marlin ug sukad niadto nisulbong ang panaghigalaay nga dunay usa lamang ka tumong nga mao ang pagpangita kang Nemo.

Pamalandong

Ang kinabuhi adunay padulngan ug daghan kanato ang gidapit alang sa usa ka mahinungdanong tahas ug tawag. Kun ang Dios na maoy magtawag, nadungog mo ba ang iyang tingog?