EDITORYAL - Patay sud sa presinto sa polis

Ang nahitabo didto sa Camotes diin usa ka polis ang gipusil patay sa laing polis sud pa gyud sa police station adunay mensahe nga angay tang kabalak-an.

Ang maong dugoong hitabo -- sa adlaw pa gyud sa pagsugod sa Semana Santa -- mipakita nga kuyaw ang kinabuhi sa mga Sugbuanon ning mga adlawa.

Dili lang daplin sa karsada o ba kaha sa usa ka kan-anan mapusilan ang inosenteng lungsoranon kundili usab sud sa presinto sa kapolisan.

Ti-aw mo kana, kun mahimong patyon ang usa ka tawo -- ug polis pa gyud -- sud sa kuwartel sa kapolisan, unsa pa kaha ang ordinaryong tawo gawas sa lugar sa mga polis?

Makapabalaka nga hunahunaon.