Mimaymay si Cebu Archbishop Ricardo Kardinal Vidal ngadto ni Mayor Thomas Osmeña sa paggahin og panahon nga makapahuway tungod kay siya, si Osmeña, masakiton.
Kun may pagka bilyako pa ang Mayor kini tingali mosumbalik ngadto sa tinamud nga Kardinal: “Look who’s talking.”
Sama sa Mayor ang atong Arsobispo duna say dili maayong gibati sa iyang panglawas. Apan, sama usab sa Mayor, nagpadayon kini sa pagtuman sa tahas nga gihatag kaniya sa Simbahan.
Ang Kardinal ug ang Mayor dunay gihambin nga problema sa ilang isigka-panglawas apan nagpadayon sa pagtuman sa ilang obligasyon ngadto sa katawhan.
Kinahanglan nga mogahin sila’g panahon nga makapahuway aron maka-recharge sa ilang enerhiya nga ilang gikinahanglan sa ilang pag-alagad sa katawhan.