EDITORYAL - Selebrahon ang kinabuhi

Adunay mga opisyal sa barangay nga miduso og manifesto diin ilang giawhag si Mayor-on-leave Tomas Osmeña sa pagdagan isip bise mayor kay di na man siya makapapili sa pagka-mayor unya sa 2010.

Daghan ang mipadayag sa ilang panahom nga imbes ilang padaganon si Tomas, ila na lang unta nga hangyoon sa pag-atiman lang usa sa iyang panglawas diin adunay balatian nga nagkinahanglan og pahuway.

Tuod man, kun kining mga mitawag sa ilang kaugalingon nga “loyal supporters” ni Tom O naglingi sa kaayohan sa ilang idolo ila kining hatagan og kahigayonan nga makapahuway aron mobalik ang kalig-on sa lawas niini.

Ug si Tom O usab iya untang selebrahon ang kinabuhi (he should celebrate life) nga gipahuwam kaniya sa Ginoo pinaagi sa pag-atiman niini.