Lain nasang pagpa-us-os sa plite sa jeep ang gitakdang ipatuman ning umaabot nga Lunes (ugma).
Suma pa sa Land Transportation Franchising and Regulatory Board (LTFRB) Central Visayas, ang plite sa jeep P6.50 nalang.
Gihangop kini sa mga komyuter. Apan daghan kanila ang nagtuo nga moagi una’g debate tali sa pasahero ug drayber/konduktor una kini maimplementar.
Suma pa sa pipila ka mga komyuter, wala pa gani hingpit nga mapatuman ang plite nga P7. Naa pa kunoy mga drayber nga motagawtaw kun hatagan og P7 nga plite.
Manghinaut lang gihapon kita nga mapatuman ang bag-ong plitehan nga P6.50 sa walay daghang kasamok tali sa drayber ug pasahero.