EDITORYAL - Problema bahin sa tuition fee
Pipila ka mga sektor sa katilingban ang kusganong midemanda nga i-freeze kon dili lihukon ang tuition fee sa mga eskuwelahan.
Ang rason mao nga tungod sa kamahal sa tanang butang ning panahona daghang mga estudyante ang mapugos sa pag-undang sa ilang pagtuon kun mosaka ang tuition fee.
Makatarunganon man tingali ang maong rason. Apan dili ba kaha kini makatikwang sa plano sa mga eskuwelahan, public ug private, sa pag-isa sa kalidad sa ilang serbisyo ngadto’s mga estudyante?
Nagkinahanglan baya ang atong mga tulonghaan og dakong pundo aron sa pagpa-usbaw sa kalidad sa ilang panerbisyo.
Manghinaut kita nga kining problema bahin sa tuition fee -- ug sa pag-freeze niini sama sa gipangayo sa pipila ka sektor -- kapangitaan og epektibong win-win solution.
- Latest
- Trending
