Mga Pinoy sa nagkadaiyang nasud sa kalibutan mihudyaka atol sa laing kadaugan ni Manny Pacquiao didto sa Las Vegas adtong miaging Sabado (sa US).
Bisan sa makadiyot lang nga higayon, ang atong mga kaigsuonan gawas sa nasud, miatubang sa mga langyaw pinaisa ang agtang tungod sa garbo nga ilang naangkon gumikan sa kadaugan ni Manny.
Nalimtan sa kalibutan sud sa walo ka hugna diin gilutos sa Pinoy ang kaatbang niining American-Mexican ang mangil-ad nga reputasyon sa Pilipinas kinsa nailhang labing kurap nga nasud sa Asya.
Angay’ng hatagan og dakong pasidungog si Manny tungod sa lain na sang kadungganan nga iyang gihatag sa iyang nasud.