EDITORYAL - Kampanya batok pabuto

Kada tuig, dihang nagsingabot na ang kapaskohan, ang kagamhanan, pinaagi sa kapolisan ug sa Department of Health, molusad og kampanya batok sa “paputok” o “pabuto.”

Ang maong kampanya aduna lamay usa ka tinguhang kab-uton: Nga mahilayo sa disgrasya ang katawhan ug dili mahitabo ang dakong kalamidad sa atong komunidad sama sa sunog.

Adunay mga guideline kon lagda nga sundon aron kalikayan ang disgrasya apan gibaliwala o gisalikway ra kini sa uban kinsa pipila kanila nangawad-ag kamot, nangabuta, etc.

Kami hugtanong misuporta sa kampanya sa DOH ug PNP batok sa iresponsableng pagamit sa pabuto ning umaabot nga panahon sa kapaskohan.