Ang atong ihusay ngadto sa Dios

NOBIYEMBRE 6, 2008: Ikakatloag-Tulo nga Domingo Sulod sa Tuig

Mga Pagbasa:   Panultihon 31:10-13.19-2-,30-31/1Tesalonica 5:1-6/Mt. 25:14-15,19-21

Ang agalon sa atong ebanghelyo karong Domingoha ang nangayo og husay ngadto sa iyang mga piniyalan sibo sa puhonan nga iyang gipiyal. Ang ubang sulugoon ang nakahatag og kalipay kaniya pinaagi sa ilang ginansiya. Sa ato pa,wala makawang ang iyang pagsalig. Apan usa kanila ang nakahaling sa iyang kapungot sanglit, wala man niini buhata ang iyang mando. Nahimong daw sa walay bili ang iyang gihatag nga puhonan.

Taliwala sa atong kahuyang ang Dios padayon nga misalig kanato ug mituga kanato og mga nagkadaiyang hiyas ug karisma. Mga talento kini sila nga sarang magamit diha sa atong tawhanong paglambo ingon man mga kasangkapan sila diha sa paghimaya sa Dios. Aron sila molipang ato silang diskubrehon ug atong gamiton bisan pa man kun kini nagkahulogan og risgo. Kay diha sa pagrisgo nahimong napadayag nato ang atong pagkagawasnon ubos sa landong ug giya sa atong Dios nga mangayo kanato sa husay inig-atubang nato niya pohon.