Discount sa Senior citizen

“Maayong buntag, Sir. Kining Q__________pharmacy dili man mohatag og discount sa Senior Citizen. Sa pagpalit nako og tambal niadtong Sept. 27, 2008 nangutana ko daan sa tindera sa presyo sa tambal dungan sa paghatag sa resita. Sa pagbayad na nako gihatag nako ang ID sa senior citizen. Nakugang lang ko kay nitaas man nuon ang presyo sa ilang tambal.”—0916-5458352 (Sent: 12:33:42pm—September 29, 2008)

Base ning maong text, klaro kaayo nga daghan gyong mga botika o pharmacy nga dili mosubay sa gimando sa balaod paghatag og 20% nga diskuwento ngadto sa mga senior citizen. Angay gyod estriktohon ang pagpatuman sa balaod ug silotan ang mga botika nga dili motuman niini.

* * *

“Good day. Reklamo lang ko about sa mga porter sa pantalan. Unsa man gyod insakto nga price para sa atong mga butang nga ipaalsa nila? For example: 5 kilos and below, tag P50 ba?” –0929-7355108 (Sent: 04:15:45pm—September 29, 2008)

Dili ko makahatag og categorical nga tubag kalabot niini. Hinuon, akong nakita nga mas maayong makahatag og explanation kalabot niini ang mga porter ngadto sa mga pasahero.

Tinuod bitaw nga daghang mga pasahero nga walay kasayoran kun pila gyod ang exact rate sa mga bagahe nga ipa-porter. Morag ang mga porter ray nagkasinabot ug nagsabot sabot kun pilay ilang paninglon ngadto sa mga pasahero nga mogamit sa ilang serbisyo. Mas maayong maedukar sab ang mga pasahero kalabot niini.

* * *

“Maayong buntag. Sa merkado importante kaayo ang pagbantay sa presyo. Kinahanglan makiangayon kini. Apan sa mga timbangan diha sa mga merkado daghan kaayong mga tikasan. Usa kos biktima ini. Akong hangyo sa mga natungdan nga palihog butangi og mga pampublikong timbangan ang merkado aron kitang mga kabos matabangan ug di matumpawak sa tikas. From Lapu-lapu City.—0926-2808832 (Sent: 09:58:22am—September 30, 2008)

Uyon kos panahom sa atong texter.

* * *