EDITORYAL - Mga diskoral istriktohon

Kining mga disko kon diskoral sa kabarangayan usa unta ka kalihokan nga makahatag og kasadya sa dapit diin kini gipahigayon.

Apan suma sa atong nabasahan sa mga pamantalaan ug nadungog sa tv ug radyo, daghang mga kagubot ang nanghitabo sa disko.

Mga pasikaterong batan-ong lalaki mosud sa diskohan unya mohimog kagubot. Mangulata, manunggab, mamusil.

Busa makatarunganon ang lakang nga gihimo sa kapolisan sa dakbayan sa Lapulapu diin gihigpitan niini ang ilang polisiya kalabot sa diskoral.

Panahon na nga mahunong kining mga krimen sa mga abusadong batan-on atol sa gipahigayong disko sa kabarangayan.