EDITORYAL - Dugang diskuwento sa seniors

Dunay balaudnon nga gisang-at sa Senado diin gipausbawan ang diskuwento sa mga paliton o ba kaha mga serbisyo ngadto sa senior citizens gikan sa 20 porsiyento ngadto sa 32 porsiyento.

Ang katuyoan sa maong balaudnon mao ang paghatag og dugang benepisyo sa mga katigulangan.

Maayo kaayo kini. Apan naay mga senior citizen nga wala kaayo malipay tungod kay sa 20 porsiyento lang gani nga diskuwento maglisud pa man sila sa pagpahimulos niini kay mag-ukon-ukon man ang mga tindero sa paghatag kanila sa diskuwento.

Apan manghinaot kita nga ang balaudnon nga atong gihisgutan adunay probisyon diin ang dugang diskuwento mapatuman gayud.