EDITORYAL - Unya nalang ang pamolitika
Lain nasang kasong impeachment ang gisang-at sa Ubos Balay Balauranan batok ni Presidente Gloria Arroyo.
Ang maong kaso gibase sa mga kasaypanan kuno sa Pangulo nga mao say gibasehan sa mga nangaging impeachment cases nga nangapakyas.
Mga neutral nga tigpaniid mipadayag sa ilang wala pag-uyon sa maong gihimo sa mga kaatbang sa politika ni Mrs. Arroyo.
“Klaro kaayong pamolitika kini,” matud pa sa usa ka tigpaniid.
Suma pa sa laing tigpaniid, dili pa karon panahon sa pagpamolitika tungod kay adunay global crisis bahin sa pangwarta diin nalambigit kon naapil sa maong global problem ang Pilipinas.
Di ba mahimong unya na lang ang pamolitika? Atubangon usa nato ang dakong krisis kalibutanon nga sa gusto tag sa dili maapil kita sa pagkadusmo kun ang maong katalagman magpadayon.
- Latest
- Trending
