Kaniadtong Septiyembre 21, 1972 gideklarar ni Presidente Ferdinand Marcos ang martial law kon balaod militar dinhi sa atong nasud.
Ubos sa martial law adunay curfew nga gipahamtang gikan sa alas diyes sa gabii hangtod sa alas singko sa kabuntagon.
Kinahanglan nga adunay 'curfew pass' nga pirmado sa PC nga dala-dalahon sa usa ka tawo kun mogawas siya sa iyang panimalay panahon sa takna sa curfew.
Kadtong walay curfew pass, dakpon sa Joint Patrol kun makit-an nga nagsuroy-suroy sa kadalanan.
Ang Joint Patrol gilangkoban sa PC, Army, Navy ug Air Force. Hawan ug hapsay kaayo ang mga kadalanan ubos niadtong sitwasyona.
Dili pareha karon diin ang tawong inosente pusilon lag diretso sa mamumuno. Dili pareha karon nga ang tawo nga nag-backride sa motorsiklo magsige lang og pamusil nga miresulta sa daghan nang kamatayon nga wala gyod masakpi ang kriminal.
Dili pareha karon nga tagsa ray ligas, pusil dayon. Ang tawo karon nga maglakaw sa kagabhion walay kasigurohan sa iyang kinabuhi kun mahiuli pa ba siya nga 'safety' sa ilang panimalay.
Gawas pa niini, naghitak usab karon ang tulis sa mga butang ug mga kabtangan. Karon, masulbad ba sa martilaw law ang krimen sa nasud? Ang tubag niini mao nga masulbad kaayo kay ipa-surrender man ang mga armas nga walay lisensiya ngadto sa mga otoridad.
Ug ang dili mo-surrender niini, stakiron o prisohon ba hinoon. Apan kinahanglan og matngonan gayud og maayo sa atong mga kadagkoan nga dili mahitabo ang human rights violations ngadto sa atong mga sibilyan.