Ligoy sa duty

Sa bisan asang buhatan sa gobiyerno duna gyu’y mga kawani o empleyado nga ligoy sa ilang duty o trabaho. Dili ikalimod nga adunay mga trabahante sa kagamhanan nga dugay mosulod sa ilang mga buhatan ug sayo usab nga mobiya sa trabaho. Unya, kun anaa sila sa ilang opisina, wala say gitrabaho. Nagdula-dula lang sa computer.

Nakahisgot ko niini kay nakadawat man god kog text gikan sa naggamit sa cell. no. 0920-4536616 (Sent: 03:49:26 pm--August 8, 2008) nga diha sa Talisay City, naay usa ka trabahante sa BIR nga ligoy sa iyang duty. Nahisagmuyo ang atong texter sa gibuhat sa maong empleyado.

* * *

Sumala sa atong texter nga usa ka magbubuhis, niadto siya sa buhatan sa BIR sa Talisay sa alas tres ang takna sa kahaponon. Pero wala na (kuno) didto ang tig-process kay niadto daw sa eskuylahan sa anak niini. Wala intawon mahinayon ang transaction sa atong texter.

Tayim pa. Ting-off na ba sa trabaho sa gobiyerno ang alas tres? O may mahinungdanon lang tuyo ang maong trabahante sa BIR sa eskuylahan niadtong higayon nga miadto ang atong texter sa iyang buhatan?

"Mao diay ni mo-duty nga igo lang mo-report ug pagkahuman mogawas lang dayon? Maayo ba sad ni paliwatan aron modaghan?" Nagkanayon ang atong texter nga nagpaila lang nga si Mr. Jones sa Talisay.

Atong pahinumdoman ang tanang naa magtrabaho sa mga buhatan sa gobiyerno sa giingon nga: "Mamamayan muna, hindi mamaya na!"

* * *

Niay danghag nga texter nga nagpadala nako’g text message nga makadisturbo kaayo. Gisubli-subli niyag padala ang iyang text nga klarong dili para nako. Ang nakaparat kay diri man niya gipadala sa akong cellphone number. Ka-careless sab niya, uy!

Ang iyang text nag-ingon: "Ikaw na babae ka papatayin kita pag hindi mo hiwalayan ang asawa ko. Patayin kita, gaga ka! Ang landi mo!" -- 0916-5235681 (Sent: 03:58:45 pm--August 8, 2008)

Ang iyang giingon nga "gaga" klarong babaye ang iyang gitumong sa iyang text. Dili gyud to ako kay lalaki man ko. Nagdanghag lang siya maong diri nako napadala ang iyang text.

Sutaa una ninyo kun kinsay inyong padad-an sa text, uy, aron dili mo makadisturbo sa uban. Ayaw mo pagdinanghag!

(Sumbong ug reklamo? Text sa 0910-8105522)