Kuyaw sa health
Maoy una natong hatagan og pagtagad kining lehitimo kaayong concern sa usa ka texter. Ang iyang gihatagan og pagpakabana may kalabotan sa maayong panglawas.
Ang iyang text nagkanayon: "Sir, good day. Ang akong gitrabahoan nga kompaniya naggamit og kemikal nga kuyaw sa health sama sa sakit sa baga. Duna poy component nga maka-trigger sa cancer. Ang problema kay walay protective device sila nga gihatag namo.Kun naay moreklamo ingnon lang nga 'resign'. Asa man ta puydeng moreklamo ani? Dugay na kaayo ko nag-work diri." -- 0929-8126659 (Sent: 09:32:30am--August 17, 2008)
Labing maayo nga i-refer ninyo sa Department of Health ang inyong suliran o ba kaha sa health division sa inyong lokalidad.
* * *
"Good PM. Mangutana lang ko kun unsay kaso nga ipasaka batok sa company o agency nga dili mohatag og eksaktong suholan sa tawo o empleyado. Thanks." -- 0919-8852802 (Sent: 01:55_54pm--August 17, 2008)
Adtoa ang buhatan sa DOLE o ba kaha sa NLRC ug i-refer kining imong concern. Makahimo kamo pagpasaka og reklamo nga underpayment of wages ngadto sa kompaniya o ahensiya nga dili motuman sa saktong suholan nga gitakda sa balaod.
* * *
"Good PM, Sir. Ang akong concern bahin sa among lugar diri sa Tulang, Getafe, Bohol. Ang akong pag-umangkon nga nag-eskuyla third year high school nakaundang tungod kay pangayoan man nilag tag P10 matag estudyante. Sakto ba kini?" -- 0909-2329652 (Sent: 02:03:34pm--August 17, 2008)
Sa akong nasayran, walay compulsory contribution sa mga tulunghaang pangpubliko. Ang DepEd nag-ingon nga bisan ang mga contribution sa Red Cross, Anti-TB, Boys Scout, Girl Scout voluntary contributions ra sad.
Maayo unta kun imo pang nasayran kun para sa unsa kanang P10 nga gikolekta gikan sa mga estudyante sa haysikol diha sa Tulang. Hinuon, kun gikauyonan kini sa PTCA ug dili pugos ang pagpangolekta, wala tingali kalapasan nga nahimo ang mga nangolekta. Basta walay pugsanay!
Mangayo sab tag dugang explanation gikan sa mga magtutudlo sa hayiskol sa Tulang, Getafe, Bohol kalabot niini. Maayo untag nakabasa sila.
* * *
(Sumbong ug reklamo? Text sa 0910-8105522)
- Latest
- Trending
