EDITORYAL – Insulto sa mga magtutudlo

Ang mga magtutudlo dinhi sa atong dapit naningil na sa gisaad ngadto kanila nga P9,000 nga usbaw sa ilang suweldo.

Gikalipay kaayog dako sa mga titser dihang gipahibawo sa Department of Education (DepEd) ang maong umento sa ilang suweldo.

Apan dugay na kadto ug hangtud ning panahona wala pa matuman ang gisaad.

Makatarunganon ang pagpaningil sa mga magtutudlo sa katumanan sa gisaad nga usbaw sa ilang suweldo.

Dili lang tungod sa economic reason kundili dakong insulto alang sa mga maestra ug maestro nga sila saaran unya langay-langayon ang pagtuman niini.