EDITORYAL – Panahon nang mangisog

Grabe na gyud ang gihimo sa mga rebeldeng sakop sa Moro Islamic Liberation Front (MILF) didto sa Mindanao. Makalilisang.

Daghan nang mga gipamatay. Daghan nang mga panimalay ang gisunog. Libuan na ka mga sibilyan nawad-an sa ilang puloy-anan ug uban pang mga bililhon nga kabtangan.

Panahon na nga mopakita ang kagamhanan, pinaagi sa militar ug kapolisan, sa tinuoray niining paglaban sa estado nga gipanamastamasan ning mga teroristang Moros.

Dili na kini panahon sa pagpasalig lang nga kaya sa militar nga todason ang mga rebelde. Ipakita. Pul-an na ang katawhan nga maminaw sa pasalig.