Nagpadayon ang pagpabadlong sa pipila ka mga ultimo kon Police Officer One (PO1) sa atong kapolisan. Hapit ang tanang polis nga nalambigit sa mga buhat nga kontra sa kalinaw ug kahusay sa atong komunidad nagdala sa ranggo nga PO1, ang labing ubos nga ranggo sa PNP.
Daghan ang mga nisugyot pinaagi sa Banat News nga kadtong mga abusadong PO1 pitulon sa walay daghang langas.
“Kining matanga sa polis wala kinahanglana sa atong katilingban ug sa organisasyon (PNP) diin sila nahisakop,” matud pa sa usa ka amahan kang kansang anak babaye hapit nang lugosa sa usa ka hubog nga PO1.
Dili maayong padugayon kon pasanayon kining mga badlongong PO1 sa police force. Mosamot ang pagkaabusado niini kun hataga’g kahigayonan nga mosaka ang ranggo.