EDITORYAL – Problema sa mga fish vendor

Nag-atubang karon og “dakong krisis” (termino nga gigamit sa usa ka sakop sa media) ang mga tindera ug tindero og isda.

Naobserbahan nga daghan na ang dili mangaon og isda -- sa pagkakaron -- gumikan sa mga estorya nga nakapaatras sa mga kumakao’g isda.

Ang usa ka banyerang isda karon hapit nang dili mahurot og kahalin samtang kaniadto ang lima ka banyera dili gani dangtag udto.

Dako kining problemaha alang sa atong mga pobreng mamaligyaay og isda -- lakip na ang pipila ka mga “malditang” tindera nga manginsulto og pumapalit sa panahon nga hayahay ang ilang negosyo.

Problema kini nga angay’ng pangitaan og haum nga solusyon karon-karon dayon, kay suma pa sa Iningles nga panultion, “Tomorrow might be too late.”