Gikataho nga ang Ubos Balay Balauranan kon House of Representatives mipasar na sa giproponer nga Open High School System Act of 2008.
Ubos niining balaodnon, ang mga out-of-school youth, ilabi na kadtong mga school dropouts, mahimo nang mopadayon sa ilang pagtuon nga dili na magsud og classroom hangtud maangkon nila ang ilang high school diploma.
Kining open educational system dugay na kini nga gitanyag ngadto sa mga out-of-school youth apan wa kaayo kini kahatagi og kusganong pagduso.
Manghinaut kita nga kining gihisgutang balaodnon, kun mahimo nang balaod, mohatag og kadasig sa mga wala makatiwas sa high school sa pagbalik sa pagtuon bisan diha na lang sa ilang panimalay.