Wa’y drainage

Ang naggamit sa cell. no. 0927-6350169 mi-text nako (Sent: 08:17:06pm--May 10,2008) nga diha sa dalan Humayhumay, Lapulapu City naay portion niini nga wala pa gyoy drainage hangtod karon.

"Nauna na lang ang pagbutang og drainage sa ubang mga dalan," nagkanayon ang atong texter.

Maoy gibasol sa atong texter sa kalangay sa pag-ugmad og drainage system sa Humayhumay ang kasungian sa politika. Morag maoy iyang nakitang hinungdan nga wala kabutangig drainage ang nahisgotang dalan ang panagbangi sa mga politiko.

* * *

Morag makasimpatiya ko sa sentimento sa atong texter. Dili man sab god ikalimod nga bisan og hagbay rang natapos ang eleksiyon, nagpadayon gihapon sa pagpamolitika ang mga trapo.

Hinaot unta nga kabutangan nag drainage ang dalan sa Humayhumay usa niining mga adlaw’ng mosunod.

* * *

"Good PM, Sir. Naay namaligya og tambal nga sytotic diha kilid sa USJR. Di ba bawal man na? Puyde ba na silang ipadakop? Kay sila ang nakaingon nga naglabi ang abortion karon." -- 0919-3226128 (Sent: 10:14:19am--May 11, 2008)

* * *

Kun makabasa niining text ang proper authorities, hinaot unta nga ila dayong aksiyonan kining imong gitaho.

* * *

Usa ka driver og multicab nga nagrota og MEPZA (naggamit sa cell. no. 0923-3907900) mipadangat nakog reklamo pinaagi sa text mahitungod nianang mga multicab nga molabyog sa pagpamasahero sa MEPZ bisan dili kini maoy ilang rota.

"Kami intawon nga nagrota gyud og MEPZA wala nay pasahero kay daghan man ang molabyog diri sa among rota nga Liloan-Mepza," nagkanayon ang maong driver sa iyang text.

* * *

Angay ning aksiyonan sa proper authorities. Angay dakpon kanang mga multicab nga mangawat pagpamasahero sa dapit nga dili maoy ilang rota. Hatagi ni ninyog pagtagad, Sir!

(Sumbong ug reklamo? Text sa 0910-8105522)