Napirmahan na ni Presidente Arroyo ang balaodnon nga mohatag og tax exemption ngadto sa mga empleyado kinsa nagdawatan lang og minimum wage kun kinaubsan nga suweldo nga gilatid sa balaod.
Tungod sa bag-o pang napirmahan nga balaod, modako na ang take-home pay sa mga kawani nga gamay rag suweldo kay dili na man pahamtangan og buhis ang ilang suhol.
Dakong kantidad sa buhis ang maiban sa tinuig nga madawat sa kagamhanan gikan sa pamuhis niini apan daghan man usab nga mga pobreng kawani ang makaangkon og gamay’ng kahayahay sa ilang panginabuhi.
Atong pahalipayan kadtong mga magbabalaod nga nakahunahuna sa pagpanday sa gihisgutang balaod alang sa kaayohan sa mga kabus tang kaigsuonan.