Pharmacy sa Garfield

Good day, Sir. Naa lang koy reklamo bahin nianang pharmacy sa Garfield St., sa Pasil kay dili mananghid nga mosukli og candy. Dili baya modawat ang PUJ og candy nga plite.”--0910-3049601 (Sent: 12:16:32 pm--March 16, 2008)

* * *

Husto ka, higala. Dili gyod modawat ang PUJ kun candy ang imong iplite. Maayo unta kadto kun imo pang gitug-an ang ngalan sa maong pharmacy aron masayod ang uban, labina ang DTI. Dili maayo ang gibuhat sa maong botika.

Naa lang koy pangutana alang sa tanang mga tindahan nga manukli og candy ngadto sa ilang mga pumapalit. Mosugot ba mo nga candy ang ilang ibayad kun sila (mga kustomer) mamalit sa inyong tindahan?

Nakaseguro kong “dili” ang inyong itubag. Busa ayaw sab mo panukli og candy kay dili lage kana ang legal tender isip sukli. Usa kana ka matang sa shortchanging!

* * *

“Sir, have a nice day. Kining among security agency way klaro kun kanus-a ihatag ang suweldo. Pabalihon lang mi og P100. Masuko pa gyod kun paninglan sa among suweldo kay wala pa kuno mohatag ang ilang client. Patay mi ini sa gutom.”--0929-7113716 (Sent: 12:23:21pm--March 16, 2008)

* * *

Nganong mag-antos man mo nianang security agency nga dili makabuhi og tawong gutom? Paserad-i na kana ninyo ug pangita mog laing katrabahoan.

* * *

“Good day, Sir. Kining dapit sa Manalili duol sa may Traveller’s nagbaha ang mga isnatser. Kanang polis nga na-assign diha nagsige lang og lingkod diha sa may eskina. Wala gyoy gihimo.” -- 0905-9749128 (Sent: 03:50:27pm-- March 16, 2008)

* * *

Pulpol tingali kanang polisa, kun tinuod man. Dili kana siya angay magpolis kay morag wala siya makasabot sa hingpit sa iyang trabaho.

Atong awhagon ang atong kaigsuonan nga mag-amping nga dili mabiktima sa mga isnatser diha sa Manalili. Ayaw na lang mog salig sa polis nga kanunay lang natulog sa pansitan!

(Mga sugyot ug pakisayod?Sumbong ug reklamo? Text sa 0910-8105522)