Ang bao sa Sugbu

Luwas pa ba ang dakbayan sa Sugbu? Mao ni ang pangutana sa katawhan. Una, mga sakop sa budol-budol gang ang gitumba human kini makapiyansa. Ikaduha, si Atty. Richard Sison nga gibanhigan ug namatay. Ikatulo, ang pagpatay sa usa ka plumber sa may dalan Sikatuna ug ang ikaupat mao ang tulis sa may dalan Magallanes kaniadtong Sabado diin napagan patay ang usa ka empleyado sa City Hall sa dakbayan sa Lapulapu kinsa didto sa Magallanes niadtong tungora.

Gawas sa kaso sa plumber nga nasulbad dayon,ang ubang mga kaso murag “bao” ang pagtubag sa atong mga police. Sama sa tulis sa dalan Magallanes kaniadtong Sabado. Ang nagbinugtong nga police nga nakaatol sa tulis mipusil ug miigo sa ligid sa gisakyan sa mga napulo ka mga tulisan. Apan bisan pa man og nabuslot na ang ligid sa gisakyan sa mga tulisan ug wa na mahitsora ang yantas niini, nakadagan pa gayod og layo ug nakalusot pa kini sa atong mga police.

Asa man diay ang mga Innova nga sakyanan nga wa man dayon makatubag sa maong tulis? Mihapit pa sa motel o nabangga na upod? Kun nakatubag pa dayon ang mga police sa maong tulis hayan nasakote na nila ang mga tulisan tungod kay hinay na ang dagan sa gisakyan kay pislat na ang ligid niini unya daghan pa gyod ang sakay. Gawas pa niana, traffic pa gyod kaayo ang maong dapit. Apan kay murag “bao” ang pagtubag sa atong mga police sa alarma, gikan sa Magallanes nakaabot pa sa may Miller Hospital ang mga tulisan ug nakasibat. Ang mga tulisan isog gyod kaayo tungod kay duha gyod ka pawnshop nga nahimutang sa busy nga dapit ang ilang gitulis. Seguro nasayod na sila nga ang mga police nato dinhi sa dakbayan sa Sugbu “bao” og dinaganan.

Sa sunod-sunod nga krimin nga nahitabo dinhi sa Sugbu murag nakabawos na ang mga opisyal sa ubang mga dakbayan nga gisaway ni  Mayor  Tom kaniadto tungod sa krimin nga nahitabo sa ilang dapit. Labing seguro usa sa mamikat ni Mayor Tom mao si Mayor Boy Radaza sa dakbayan sa Lapulapu.

Unsa gyod kaha ang motibo sa pagpatay ni Atty. Richard Sison? Ang giingon kahang sungi nila sa iyang kliyente nga si Mayor Boy Radaza o ang giingong mga tax evaders diha sa dakbayan sa Lapulapu nga ibulgar unta niya?

VECO: Unsa man ning