KAMAKAILAN, nag-breakfast kami ni Ms. Pier Pastor, ang magandang health reporter ng ABS-CBN’s Salamat Dok program. Naikuwento ni Ms. Pier ang kanyang istorya tungkol sa isang panibagong operasyon kung saan maaaring tumangkad ang isang tao.
Ito’y ginagawa sa St. Luke’s at ang operasyon ay tinatawag na FITBONE. Dinadagdagan ang buto natin sa hita. Kakaiba hindi ba? Magaling na talaga ang ating mga doktor. Kaya lang, P6 million ang halaga ng operasyon. Wow!
Lahat ng mga bagong balita sa kalusugan ay matutunghayan ninyo sa programang Salamat Dok, kung saan sina Ms. Cheryl Cosim at Ms. Pier Pastor ang mga host.
Paano ba tumangkad? Para sa kabataan, mas mainam na uminom nang maraming gatas habang tayo’y bata pa. Ang gatas ay may calcium, Vitamin B at protina na pampatangkad. Kailangan ding kumpleto ang tulog ng bata para maglabas ng growth hormone ang katawan para tumaas sila.
Tandaan na kapag umabot na tayo sa edad 21, hindi na tayo tatangkad. Ang calcium sa ating buto ay naiipon habang bata pa tayo. Paglampas natin ng edad 30, mahirap nang ma-absorb pa ang calcium.
At heto pa ang masaklap na balita, kapag tayo’y nagkaedad na, ay liliit tayo ng 10%, mga 3-4 inches. Naku, kumain na tayo ng dilis at okoy para dumami ang calcium sa buto.
Para sa mga balak mag-asawa ay maganda rin pumili ng babagay sa inyo. Kung matangkad ang inyong partner, mas tataas din ang inyong mga anak. Sabi nga ng iba, pagandahin natin ang ating lahi.
Marami ka talagang matututunan sa Salamat Dok. Sa katunayan, ang programa ay nanalo na ng limang parangal. Tatlong Anak TV Awards, dahil bagay ang programa sa mga bata at mag-aaral; 1 Golden Dove Award, dahil sa serbisyo publiko at medical mission, at 1 USTV Award, dahil paborito ito ng kabataan.
Congratulations to ABS-CBN, Ms. Marielle Catbagan, Ms. Cheryl Cosim at Ms. Pier Pastor sa lahat ng awards.
* * *
Nagpapasalamat din kami sa Grace Park Lion’s Club ng Caloocan City District 301-D2, dahil sa tatlong taon nilang pagtulong sa medical mission ng Salamat Dok. Ayon kay Ms. Pier, malaki ang tulong ng Lion’s Club sa pagbibigay ng libreng gamot, libreng salamin, at iba pang pondo para sa mahihirap.
Ang presidente ng NGO ay si Ms. Florencia de La Rosa, ang secretary ay si Dr. Susan Galvez, at ang treasurer ay si Ms. Nancy Sy. Nakakasama ko sila sa medical mission at tunay na napakasipag nilang tumulong sa mga nangangailangan. God bless you po!
* * *
(Manood ng Salamat Dok ng ABS-CBN Channel 2 tuwing Sabado 6 a.m. at Linggo 7 a.m. E-mail: drwillieong@gmail.com)