EDITORYAL - GMA gitawag nga duwende

Usa ka obispo sa Metro Manila kinsa kusganong mipaluyo sa pundok batok ni Presidente Arroyo ang miyamayama sa Pangulo sa pag-ingon:

“Adunay nagpuyo sa Malacañang nga usa ka duwende ug kining duwendeha buot mo-duwende kanato.”

Duwende ang iyang tawag sa Pangulo tungod kay lagi gamay ra man ning pagkababaye. Ug kontra sa iyang politikanhong pundok.

Ok ba lang sa usa ka obispo ang pagyagayaga sa pagkatawo sa usa ka Pangulo sa nasud bisan pa kun kini anaa sa sentro sa mga kuwestyonableng buhat?

Ang pagpanaway ngadto sa gidak-on sa usa ka tawo sama sa gihimo niining obispo usa usab ka salawayon nga buhat, ilabi na kun ang nanaway usa ka ministro sa Ginoo.