Adunay gibalita nga midesidir na si Mayor Tomas Osmeña nga ipa-lease out kon paabangan sa dinugay nga termino ang CitiCenter Commercial Complex diha sa Brgy. Kamagayan.
Ang maong property na-imbargo sa siyudad gikan sa tag-iya human kini napakyas sa pagbayad sa buhis nga nagkantidad nag P10 milyones.
Husto ang hukom sa Mayor. Kun dunay mo-lease sa maong commercial complex makakuwarta ang kagamhanan sa siyudad ug mapahapsay ug mapalimpyo pa ang maong dapit.
Kining dapita anaa sa prime property area apan nahimo na kini nga usa ka dakong eyesore ug lublubanan sa mga elemento nga naghatag og problema sa siyudad.
Mahinayon unta kining plano sa Mayor kinsa sa dugay’ng panahon mipabaya sa maong dapit diin nakapahimus ang mga salawayong elemento gumikan sa maong pagpabaya.