Afrena 7 wala kadawat sukad og kopya sa Sinulog Foundation accounting

Si kanhi Customs Collector David Odilao, Jr., ang amahan sa Sinulog nga sa pangutana ni Atty. Ising Giduqiuo, nga kun wala pa si Odilao, kinsa kahay laing makahunahuna sa Sinulog festival, nanghimakak nga sa giingon nga gihatagan konog kopya ang Afrena 7 sa accounting nga gihimo sa Sinulog Foundation.

Sa pamahayag ni Odilao, usa sa mga kondisyon sa iyang pag-turn-over sa Sinulog Festival ngadto kang Mayor Florentino Solon, mao nga tukoron ang usa ka Foundation, aron mao nay mopadagan sa kalihokan, lakip na ang pag-solicit og pundo aron dili na kinahanglan pa mo-sagubang ang dakbayan sa dakung galastuan matag-saulog sa Piyesta Senyor.

Apan, karon, daku gihapon ang igahin sa dakbayan alang sa Sinulog Festival, despite sa solicitation nga himoon sa Foundation. Maoy hinungdan nga tungod kay naglambigit man kinig public funds, ug solicit funds, sa ato pa, kwarta sa katawhan, ang Afrena 7 mihangyo nga kahatagan silag kopya sa detailed accounting sa nahipos ug nagasto nga kwarta .

Matud ni Odilao, wa kini magpasabot nga nagduda ang Afrena 7 sa kaligdong sa mga sakop sa Foundation, kondili, normal kini nga buhatonon sa bisan unsang pundok nga maglambigit og public ug solicited funds.

Miingon si Odilao nga idetalye gayud unta kanang giingon nga mga “miscellaneous” items ilabinag dagku na kaayo ang kantidad. Ug motuo kaha ka Dro nga P8,000 ray ilang mga allowances?

Dugang pa, ang hustong ngan sa okasyon, matud ni Odilao, “Sinulog sa Sugbo” tungod kay daghan kaayong mga sinulog,ug mga debosyon sa Sto. Niño sa nagkalainlaing dapit dinhi sa atong lalawigan ug sa ubang mga lalawigan sa nasud.

Kahinumdom si Odilao nga una nila i-introduce ang Sinulog dinhi sa Sugbo, nangadto sila sa Iloilo ug sa Kalibo aron pag-observe sa ilang Dinagyang ug sa Ati-atihan. Sa ato pa, una sila sa Sinulog sa Sugbo. Unya, ilang gitun-an pag-ayo ang mga steps sa mga tindera sa kandila nga maoy orihinal nga mananayaw sa Sinulog.

Unya, dili haom nga nganlan og mardi gras, tungod kay sama nila ni Nito Jabat sa Banat ug Roger Serna sa Sun-Star, ang mardi gras, pure kiat-kiat ug mahisupak sa kasaulogan nga pahinungod sa Balaang  Niño.