Mi-thumbs up mi sa maymay ni Mons. Achilles Dakay ngadto sa mga kandidato ug mga botante sa Sangguniang Kabataan elections nga dili sundon ang kinaiya sa mga trapo kon traditional politicians.
Mao pa kining unang awhag ngadto sa mga batan-on nga nalambigit sa piniliay sa SK nga kusganon ug puno sa kabalaka.
Angay’ng paminawon sa atong kabatan-onan ang maong awhag aron kita makasugod sa pag-ugmad og bag-ong matang ug pundok sa mga politiko diin gisalikway ang naandang salawayon nga buhat sa mga trapo.
Miinsister si Mons. Dakay nga ang mga pamaagi sa kampanya sa mga karaang politiko dili sundon sa mga kandidato sa SK ug iyang gihagit ang maong mga batan-ong kandidato sa dili pagsalig sa mga trapo sa ilang kadaugan.
Kami misegunda sa mosyon nga giladlad sa tinahod tang monsenyor.