Tama na ang bayarang testigo

MAY eksposey si Rep. Monico Puentebella tungkol sa isang bogus na testigo na binayaran umano ng isang anti-GMA Solon ng P5 milyon para tumestigo laban kay Presidente Arroyo sa kontrobersyal na ZTE-NBN deal.  Nakuha raw ni Puentebella ang impormasyon mula sa kanyang reliable sources.

Umpisa na naman ngayon ng pagsisiyasat ng Senado sa ZTE-National Broadband Project. Wala tayong tutol sa pagsisiyasat kung may mabuting layunin. Pero tama na sana ang paglalantad ng mga pekeng testigo. Seryo­song isyu ang iimbistigahan kaya seryosohin ang proseso for credibility sake. Sabi ni Puentebella, idadawit daw ng bayarang testigo ang Pangulo sa overpricing ng NBN cost mula $262 milyon na naging $329 milyon.

Ang anti-GMA Solon, ani Puentebella ay kilalang-kilala sa pagpapalutang ng mga “bayarang testigo” sa mga congres­sional hearings. Madalas umano itong tuligsain ng kapwa mambabatas dahil sa kanyang “leading questions” sa mga testigo. Ang “handler” daw ng  taong ito’y dating kasapi sa “midnight cabinet” ni ex-President Estrada.

“This is a grand conspiracy whose progeny can easily be traced by just looking at those pulling this guy’s string” anang Kongresistang senior vice chairman ng House trans­portation committee. Kahit ibinasura na ng Pangulo ang kontrata sa ZTE, the issue  still probably merits a serious probe. Pero sana huwag ha­luan ng pekeng testi­monya ang imbesti­gas­­yon para maging ka­pani-paniwala.

Sabi ni Puentebella, ang testigo ay nauna nang inimbestigahan ng Om­buds­man at tinanggal bilang opisyal ng Telepono sa Ba­rangay (TSB) project noong 2001 dahil sa ma­anomalyang tran­sak­syon.  Siniyasat din umano ng Senado ang taong ito ka­ugnay sa Philippine Com­muni­cations Clearing­house Inc. scam. Ang “tes­tigo” ay dating em­pleyado ng Arescom at ng ZTE Corp. ng China, ngunit sini­bak dahil nagli-leak  daw sa Ams­terdam Holdings Inc. (AHI) ng detalye ng NBN proposal ng ZTE.  Ang AHI ay ang korpo­rasyon ng “whistle blower” na si Joey de Venecia, anak ni Speaker Jose de Venecia.

In view of all these, nananalig ako sa wis­dom ng Senado na kilanlin ang isang tainted witness sa hindi.