Lain nasang polis ang nagpabadlong ug naghatag og dugang kangil-ad sa imahe sa atong kapolisan.
Nanghasi ug mipakitag mangil-ad nga taras didto sa Moalboal kining polisa kinsa nagdala pa gani og labing mubo nga ranggo, ang Police Officer 1 kon PO1.
Nanghasi sud sa usa ka bar samtang kini hubog atubangan sa mga turista. Nagpakauwaw dili lang sa iyang pagka polis kun dili usab, ug labaw sa tanan, sa iyang pagka-Pilipino.
Sayud na ang kadagkuan sa kapolisan dinhi sa Sugbu ug sa rehiyon ug kinahanglan ipailawom kini sa subsob nga imbestigasyon sa walay kalangay.
Ang PNP wala magkinahanglan og polis nga badlongon ug abusado. Busa kining gihisgutang polis kinahanglan iitsa puwera na samtang PO1 pa lang kay kuyaw kun modako na ang ranggo niini.