EDITORYAL - Ang “no fault zone”

Ang Banilad area gideklarar na nga “no fault zone” isip usa ka paagi sa pagpamenos sa problema sa traffic dihang dapita.

Unsa man kining “no fault zone”? Suma pa sa usa ka traffic official sa lugar diin gideklarar nga “no fault zone” ang tanang traffic rules and regulations higpit nga ipatuman ngadto sa mga drayber sa tanang matang sa sakyanan.

Naay mga nangutana: Ngano kuno nga diha ra man sa Banilad ipatuman ang “no fault zone.” Nganong di man kuno himoon nga “no fault zone” ang tibuok siyudad sa Sugbu o bisan na lang sa mga dan diin naghuot kanunay ang mga sakyanan?

Tingali dunay mga basihanan ang kagamhanan sa siyudad sa pagdeklarar sa Banilad nga “no fault zone” apan maayo sab tingali nga hatagan og pagtagad kining pangutana sa pipila ka mga lungsuranon.