Miawhag si Rep. Benhur Salimbangon ngadto sa mga Martinez sa pag-concede kun pag-angkon na lang sa ilang kapildihan ug ilang ibalik ang ilang panaghigalaay. Kay matud niya daan naman silang managhigalaay apan nabalda lang kini tungod sa eleksyon.
Matud ni Salimbangon andam siya makig-uliay sa maayong kabubut-on sa mga Martinez ug sa uban pang iyang “naengkuwentro” atol sa miaging kampanya elektoral.
Maayong dawaton sa mga Martinez ang awhag ni Salimbangon aron matunhay na ang kalinaw sa kuwarto distrito diin kooperasyon ilang ipatigbabaw alang sa kaayuhan sa katawhan sa maong distrito.
Manghinaut kita nga dili balibaran sa mga Martinez ang tanyag ni Salimbangon alang sa kaayohan sa ilang pinanggang kuwarto distrito.