EDITORYAL — Ang fund drive ni Mary Ann

Gilusad ni Lahug Brgy. Capt. Mary Ann de los Santos ang “Piso Mo Eskwelahan Ko” fund raising project diin ang makolekta nga kantidad gastuon sa bag-ong Lahug Elementary School building kansang konstruksyon gipahunong ni Mayor Tomas Osmeña.

Diha-diha misaad dayon si Cebu Governor Gwendolyn Garcia nga mohatag og P5 milyones. Mga basiyong five-gallon mineral water container ang ipang-apod-apod sa nagkadaiyang dapit sa siyudad diin ang gustong motabang mahimong mohug sa ilang donasyon sa maong mga water container.

Kining fund raising campaign ni Mary Ann mopakita unya pinaagi sa resulta, kun suportado ba ang iyang proyekto alang sa schoolchildren sa Lahug o gipaluyohan ba ang “silot” nga gipahamtang sa Mayor ngadto sa barangay Lahug diin napilde siya adtong miaging eleksyon.