Balik nasab ang kumbati tali sa Kapitolyo ug City Hall kalabot sa multi-billion-peso nga proyekto sa probinsya nga gibabagan sa kagamhanan sa siyudad.
Ang proyekto – ginganlan og “Ciudad” – anaa sa yuta nga gipanag-iya sa probinsya apan anhi nahimutang kanang yutaa sa hurisdiksyon sa siyudad.
Kada usa ka habig niining maong isyu adunay iyang argumento pabor sa iyang baruganan.
Tungod kay usa man kini ka “massive development project” nga gituohang makadugang sa pagpalambo sa Sugbu, maayo tingali nga sabut-sabotan ang maong isyu sa mabugnaw nga paagi.
Kun ang duha ka habig modiskutir sa isyu sa inisug nga paagi magpabilin lang nga mapait nga damgo ang maong plano.
Ipatigbabaw lang unta ang kaayuhan sa Sugbu, dili ang personal nga garbo.