Ginaingon nga samtang naglakaw-lakaw si Jesus iyang nahimamat kining mosunod: Usa ka tawo nga naglunang sa kahubog. Iya kining gipangutana: "Nganong giusikan mo man ang imong kinabuhi diha sa paghubog-hubog?" Ang tawo mitubag: "Imo man gud kong giayo gikan sa akong sanla!" Sa dihang nipadayon si Jesus iyang nasugatan ang usa ka lalaki nga nagsunod-sunod daw itoy sa usa ka mugbog-lupad. Iya kining gipangutana: "Nganong giusikan mo man ang imong kinabuhi sa mapasagarong pakighilawas?" Ang tawo mitubag: "Imo man gud kong giayo gikan sa akong pagkabuta!" Sa katapusan iyang nakita ang usa ka tawo nga naghilak taman sa ginhawa iya kining gipangutana kon nganong naghilak siya. Apan gitubag ug gimahay siya: "Imo man gud kong gibanhaw gikan sa mga minatay!" Apan lahi ang nahitabo sa inahan ni Pedro kay sa dihang siya naayo siya nibarog ug mialagad sa uban.
Pamalandong
Kadaghang gasa ang gihatag sa Ginoo apan giusikan lang natong mga tawo. Pagkadaghang higayon nga kita makahamtong apan nagpabilin gihapon kita diha sa atong pagkabata-bataon
