Sa mas suod lang

Ang Dios Miingon
Pamalandong Matag Domingo
Abril 22, 2007: Ikatulong Domingo sa pasko sa pagkabanhaw
Mga pagbasa: Buh. 5:27-32, 40-41/Gip. 5:11-14/Jn. 21:1-19

Ginaingon nga usahay diha sa pagkab-ut og usa ka posisyon kinahanglang magpaitoy-itoy aron maayonan ug masuod. Mao tingali nga dili kalikayan ang kadaghanang nag-agap ang magpunay og papogi points aron sa superior hiayonan ug sa maanindot nga dapit kahatagan. Kini na kuno ang urog sa kapanahonan.

Apan lahi ang kinabuhi ni Simon Pedro.Gihigugma niya pag-ayo ang Ginoo ug ang Ginoo nahigugma kaniya taliwala sa iyang pagdumili pag-angkon sa higayon nga siya gipangutana kalabot sa iyang magtutudlo sa panahon sa kalisdanan. Matang sa gugma nga gipakita ni Pedro hangtud na sa kamatayon.

Ang kinabuhi natong mga tawo napuno sa kompetisyon aron moasenso. Ang Dios nagdapit kanato karong Domingoha sa paghinuklog kon giunsa man nato pagsabut ang kinabuhi. Nahimo ba kitang suod aron moagap og posisyon o nakigsuod ba kita aron makaalagad sa kadaghanan?

* * *

E-mail: [email protected]