EDITORYAL – Likayan ang salawayon nga frat

Si Bokal Juan Bolo sa Unang Distrito sa Sugbu miawhag sa mga ginikanan nga ilang pahimangnoan ang ilang mga anak sa paglikay sa mga recruiter gikan sa mga notoryus nga fraternity.

Nabalaka si Bokal Bolo sa nagkadaghan na karon nga mga sakop sa fraternity nga badlongon.

Maayo man unta ang fraternity apan kining mga frat nga nag-away-away ug nagpinusilay pa gani mihatag og mangil-ad nga imahe sa maong mga pundok sa mga batan-on kang kansang tumong unta mao ang brotherhood tali sa mga sakop niini.

Nailhan na sa publiko kining maong mga salawayon nga frat ug mao kini ang angay’ng likayan sa mga mabuot nga kabataan sa eskuwelahan.