EDITORYAL — Dalion paghuman ang tunnel

Nasinati ang grabeng kahuot sa trapiko sa dakbayan sa Sugbu human gipatuman ang rerouting sa mga sakyanan sa pipila ka dapit sa siyudad.

Ang rerouting gihimo tungod sa gitrabaho nga tunnel diha sa may MacArthur Blvd.

Daghan ang nangasuko gumikan sa maong kahuot sa trapiko. Hasta pa man gani ang Mayor nangasaba ngadtos kadagkuan sa Citom.

Ang mga kahasol nga masinati sa publiko sama sa kahasol nga nasinati karon sa mga motorista ug mga sumasakay sa mga sakyanang de pasahero kasagaran mahitabo sa mga dapit diin dunay gipahigayon nga dagkong development projects ang gobyerno.

Moagi ra kini ug human maangkon ang tingusbawan sa maong proyekto masinati na man sad sa publiko ang positibong epekto niini.

Apan aron mamenusmenosan ang kahasol sa mga tawo dili unta langay-langayon ang trabaho sa maong proyekto.