Matatandaang nagsalita na si Sr. Supt. Edgar Iglesia, Deputy Chief ng PACER, matapos malagay sa alanganin ng pangalan ng PACER dahil nung nagsagawa ng entrapment operation ang grupo ng District Intelligence Operatives Unit (DIOU), at Anti-Carnapping Section ng QCPD, napasama sa naaresto at naposasan ang isa sa kanilang kasamahan na si SPO2 Inaldo.
Pinatunayan pa ni Sr. Supt. Iglesia na si SPO2 Inaldo ay nasa mission at ang nakatalaga bilang close-in security ni GINO at walang kinalaman si Inaldo sa kidnapping.
Sa harap ng camera, nagsalita na si SPO2 Inaldo. Nais niya umanong linisin ang kanyang pangalan.
Ibinuhos din ni SPO2 Inaldo ang kanyang sama ng loob dahil sa umano’y talagang nalungkot siya sa nangyari at abut-abot din ang kanyang kahihiyang sinapit.
"Sa totoo lang yung nangyaring ito sa akin parang ang hirap magpaliwanag, lahat ho ng taong nakakaki-lala sa akin, nahihirapan ako, para bang lahat ng tao kailangan kong pagpaliwanagan," ang mangiyak-ngiyak pang pahayag ni SPO2 Inaldo.
Panawagan pa ni SPO2 Inaldo na huwag umano siyang husgahan ng taumnbayan.
Hinamon din ni Inaldo ang lumutang na witness na nakasaksi ng aktuwal na pagdukot sa Korean national na si Kim In Sook at asaawa nitong si Francis Herrero, na siya ring nagtuturo kay Inaldo kasama ito sa pagÿdukot, na ito’y handa niyang harapin at patunayan na hindi siya ang sinasabi nito.