Nagkadugo na

Usa nako ka amiga ang mipadayag kanako ning mga mosunod nga tudling aron akong hinuklogan, pamalandongan, ug ampoan. "Usahay maglisud kita pagpili sa mga tawong atong maibogan, magustohan, ug higugmaon. Sama kini sa usa ka bala nga motadlas sa atong kaunoran kang kansang epekto mahibaw-an lamang kun kita magkadugo na."

Pamalandong

Dili kapangandakan ang paghigugma ug ang pagbati sa ingon ni bisan kinsa ug sa bisan unsang taknaa. Lisud kaayo kini sabton ug tugkaron. Kay bisan gani ang dunay mga igong kalantip ug kait-on ang mahimong bogo ug amang sa mga higayon nga sila na unya ang maigo sa sima ni Kupido. Hinuon, kabahin kini sa pagkatawhanon. Ang mas bililhon mao nga gamiton sab nato ang atong pangutok aron pagpinsar kon husto ba ang atong pagabuhaton.

* * *

E-mail: [email protected]