EDITORYAL — Mopataliwa kaha ang Kardinal?

Samtang nagpadayon ang panagbangi nila ni Mayor Tomas Osmeña ug Gobernador Gwen Garcia bahin sa land swap issue, adunay pipila ka mga concerned citizen nga misugyot nga dunay mopataliwa kun mo-mediate sa maong panagbingkil.

Walay laing pangan nga gihisgutan isip mediator kundili ang pangan ni halangdon Arsobispo sa Sugbu nga si Ricardo Kardinal Vidal.

Daghan nang mga mainit nga isyu nga sa tan-aw sa pipila ka mga tigpaniid wala nay kasulbaran apan nasulbad ra dihang mipataliwa ang buotan nga Kardinal.

Mosanong ba kaha ang Cardinal kon pormal siyang duolon sa mga tawo nga nabalaka sa padulngan ning panagbingkil nila ni Tomas ug Gwen?

Hinaut nga iyang hatagan og seryosong konsiderasyon kining hagit sa mga concerned citizen sa Sugbu. Maoy pagtuo sa kadaghanan nga walay laing personalidad ang makapabugnaw sa mga ulong nag-alintabo sa kainit ning duha ka dagkong lider sa Sugbu.